ଆସିକା,୧୧/୭ (ଶୁଣାକଥା) ମନୋଜ କୁମାର ନାୟକ – ଦଶ ଦଫା ଦାବୀ ନେଇ ଆସିକା ରାଜସ୍ୱ ଅମଲା ସଂଘର କଳାବ୍ୟାଜ ପରିଧାନ କରିଛନ୍ତି । ରାଜ୍ୟ ଅମଲା ସଂଘର ଆହ୍ୱାନକ୍ରମେ ଆସିକା ଶାଖା ରାଜସ୍ୱ ଅମଲା ସଂଘ କଳାବ୍ୟାଜ ପରିଧାନ ଶାନ୍ତିପୂର୍ଣ୍ଣ ଭାବେ ନିଜର କାର୍ଯ୍ୟ ତୁଲାଇ ଆସୁଛନ୍ତି । ୨୦୨୦ ମସିହାରେ ଲାଗୁ କରାଯାଇଥିବା ପୁନଃ ଥଇଥାନ ଯୋଜନାର ନିୟମାବଳୀ ସମ୍ପୂର୍ଣ୍ଣ ରୂପେ ଉଚ୍ଚେଦ କରି ୧୯୯୦ ମସିହାରେ ଲାଗୁ କରାଯାଇଥିବା ନିୟମାବଳୀ ଅନୁସାରେ ମୃତ ସରକାରୀ କର୍ମଚାରୀଙ୍କ ପରିବାରର ଯେକୈାଣସି ସଦସ୍ୟଙ୍କୁ ଯୋଗ୍ୟତା ଭିତିରେ ନିଯୁକ୍ତି ପ୍ରଦାନ କରିବାକୁ ଦାବୀ ରଖାଯାଇଛି ।
ଜିଲ୍ଲା ସ୍ତରୀୟ କାର୍ଯ୍ୟରତ ଅମଲା ମାନଙ୍କ ମୂଳ ଦରମା ଓ.ଆର.ଏସ.ପି ୨୦୧୭ ନିୟମ ଅନୁଯାୟୀ ଲେବଲ -୯ କୁ ବୃଦ୍ଧି କରିବା, କାର୍ଯ୍ୟରତ ସରକାରୀ କର୍ମଚାରୀଙ୍କୁ ବାର୍ଷିକ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟବୀମା ପ୍ରଦାନ କରିବା, ଓଡିଶା ରାଜସ୍ୱ ପଦ୍ଧତିରେ ରାଜସ୍ୱ ଅମଲା ମାନଙ୍କୁ ଶତ ପ୍ରତିଶତ ପଦୋନ୍ନତି ପ୍ରଦନ କରିବା, ନୂତନ ପେନସନ ଯୋଜନାକୁ ରଦ୍ଧ କରି ସମସ୍ତ ସରକାରୀ କର୍ମଚାରୀଙ୍କୁ ପୁରାତନ ପେନସନ ଯୋଜନାରେ ଅନ୍ତର୍ଗତ କରିବା ନେଇ ଦାବୀ ରଖାଯାଇଛି ।
ଓଡିଶା ରାଜସ୍ୱ ଅମଲା ସଂଘର ଦାବୀ ପୂରଣ କରିବା ଦିଗରେ ସରକାର ପଦକ୍ଷେପ ଗ୍ରହଣ କରିବାକୁ ଆସିକା ଶାଖାର କିରଣ କୁମାର ପାଢୀ, ଜ୍ଞାନଚାନ୍ଦ ମହାନ୍ତି, କେ.ଲୀଲୁ, ସୁନୀତା ରାଣୀ ପାତ୍ର, ଚନ୍ଦନ କୁମାର ରଥ, ସୁମନ କୁମାର ବିଷୋୟୀ, ଅଭିଜିତ ପାଣିଗ୍ରାହୀ, ଦିପକ କୁମାର ଗୌଡ, ସନ୍ତୋଷ କୁମାର ପ୍ରଧାନ, ମୃତ୍ୟୁଞ୍ଜୟ ତ୍ରିପାଠୀ, ଶିବ ଗୈାଡଙ୍କ ସମେତ ବହୁ ସଦସ୍ୟ କଳାବ୍ୟାଜ ପରିଧାନ କରିଛନ୍ତି ।
ଶେଷରେ ଆସନ୍ତା ୧୪ ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ ପାଇଁ ସୂଚନା ପ୍ରଦାନ କରାଯାଇଥିବା ଜଣାପଡିଛି ।