Banotsav program at Devbhoomi Gram Panchayat Nodal High SchoolBanotsav program at Devbhoomi Gram Panchayat Nodal High School

ଆସିକା,୧୫/୭ (ଶୁଣାକଥା) ମନୋଜ କୁମାର ନାୟକ – ଗଞ୍ଜାମ ଜିଲ୍ଲା ଆସିକା ବ୍ଲକ ଦେବଭୂମୀ ଗ୍ରାମପଞ୍ଚାୟତ ନୋଡାଲ ଉଚ୍ଚ ବିଦ୍ୟାଳୟରେ ବନୋତ୍ସବ କାର୍ଯ୍ୟକ୍ରମ ଅନୁଷ୍ଟିତ ହୋଇଛି । ଏହି କାର୍ଯ୍ୟକ୍ରମ ବିଦ୍ୟାଳୟ ପ୍ରଧାନ ଶିକ୍ଷକ ଲବ ସେଠୀଙ୍କ ପୈାରହିତ୍ୟରେ ଅନୁଷ୍ଠୀତ ହୋଇଥିବା ବେଳେ ଏ.ଏନ.ଓ ସେକେଣ୍ଡ ଅଫିସର ଅନୁପ କୁମାର ନାୟକ ଓ ବିଦ୍ୟାଳୟ ପୂର୍ବତନ ଏନ.ସି.ସି କ୍ୟାଡେଟଙ୍କ ଦ୍ୱାରା କାର୍ଯ୍ୟକ୍ରମ ସମ୍ପାଦିତ ହୋଇଥିଲା ।

ଏହି କାର୍ଯ୍ୟକ୍ରମରେ ସବୁଜ ପୃଥିବୀର ଆବଶ୍ୟକତା ସମ୍ପର୍କୀତ ଉପରେ ଆଲୋଚନା କରାଯିବା ସହ ଆଗାମୀ ଦିନରେ ବିଦ୍ୟାଳୟ ଏବଂ ଏହାର ଆଖାପାଖ ଗ୍ରାମକୁ ପ୍ଲାଷ୍ଟିକ ମୁକ୍ତ ଓ ସବୁଜିମା ଭରା ଅଞ୍ଚଳରେ ପରିଣତ କରିବା ପାଇଁ ଆହ୍ୱାନ ଦିଆଯାଇଥିଲା । ଏହା ସହିତ ସମସ୍ତ ଏନସିସି କ୍ୟାଡେଟ ଓ ବିଦ୍ୟାଳୟ ଛାତ୍ରଛାତ୍ରୀ ଗୋଟିଏ ଗୋଟିଏ ଗଛ ଲଗାଇବା ସହିତ ଗଛ ବଞ୍ଚାଇବା ପାଇଁ ଶପଥ ପାଠ ଗ୍ରହଣ କରିଥିଲେ ।

ଏହି ବନୋତ୍ସବ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ପରିସରରେ ବିଭିନ୍ନ ଔଷଧୀୟ ଗଛ ରୋପଣ ସହ ଛାୟାଯୁକ୍ତ ଚାରା ଲଗାଯାଇଥିଲା । ଏହାପରେ ଦେବୀଭୂମି ଗ୍ରାମର ପ୍ରତ୍ୟେକ ସ୍ଥାନରେ ଗଛ ଲଗାଇବା ସହିତ ଏକ ପେଡ୍ ମାଁ କେ ନାମ ସ୍ଲୋଗାନ ଦେଇ ଗ୍ରାମବାସୀଙ୍କ ସଚେତନତା ବାର୍ତା ପ୍ରଦାନ କରାଯାଇଥିଲା ।

ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ, କର୍ମଚାରୀ ଏବଂ ପୂର୍ବତନ ଏନସିସି କ୍ୟାଡେଟ ଅମର ପ୍ରସାଦ ମୁନୀ, ବି.ଶ୍ରୀକାନ୍ତ ପାତ୍ର, ସାଗର ବେହେରା, ବି.ଦେବାଶିଷ ପାତ୍ର, ବି.ଶୁଭମ ପାତ୍ର, ରୋଶନ ବେହେରା, କେ.ଆରତୀ ରାଓ, ବିକି ସାହୁ, ତପସ୍ୱିନୀ ପ୍ରଧାନ, ରଶ୍ମି ଘୋଡାଇ, ରୁଦ୍ର ଦାଶ ସମେତ ପ୍ରାୟ ୬୦ ରୁ ୭୦ ଜଣ ଏନ.ସି.ସି କ୍ୟାଡେଟ ଏବଂ ବିଦ୍ୟାଳୟ ଛାତ୍ରଛାତ୍ରୀ ବନୋତ୍ସବ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।