ଆଜିକା ଦିନରେ ଦାଢ଼ି ରଖିବା ଫ୍ୟାସନ ପାଲଟି ଯାଇଛି । ଚାରି ଆଡ଼େ ସମସ୍ତଙ୍କୁ ଏହି ଲୁକ୍ରେ ଦେଖିବାକୁ ମିଳୁଛି । ଫିଲ୍ମ ଷ୍ଟାର ମାନଙ୍କ ଠାରୁ ଆରମ୍ଭ କରି ସାଧାରଣ ଲୋକ ପର୍ଯ୍ୟନ୍ତ ସମସ୍ତେ ଏହି ଲୁକ୍କୁ ପସନ୍ଦ କରୁଛନ୍ତି ।
ତେବେ କିଛି ପୁରୁଷ ମାନଙ୍କର ଦାଢ଼ି ଏବଂ ନିଷ ଠିକ୍ ଭାବେ ଆସି ନଥାଏ । ଏହାର କାରଣ ହେଉଛି ‘‘ଡ଼ିଏଚ୍ଟି” ହରମୋନର ଅଭାବ । ଏହି ହରମୋନର ଅଭାବ ପାଇଁ କିଛି ପୁରୁଷଙ୍କ ନିଷ ଓ ଦାଢ଼ି ଠିକ୍ ଭାବରେ ଉଠିନଥାଏ ବୋଲି ଏକ ଗବେଷଣାରୁ ଜଣାପଡ଼ିଛି । ‘ଡ଼ିଏଚ୍ଟି(ଡ଼ାଇହାଇଡ଼୍ରୋଟେଷ୍ଟୋଷ୍ଟେରୋନ)’ ପୁରୁଷ ମାନଙ୍କ ମଧ୍ୟରେ ଦେଖାଯାଉଥିବା ହରମୋନ ଟେଷ୍ଟୋଷ୍ଟେରୋନ ସହ ଜୋଡ଼ି ହୋଇ ରହିଥାଏ ।
ବୈଜ୍ଞାନିକ ମାନଙ୍କ କହିବା ଅନୁଯାୟୀ ‘ଟେଷ୍ଟୋଷ୍ଟେରୋନ’ ପରିବର୍ତ୍ତନ ଦ୍ୱାରା ହିଁ ଡ଼ାଇହାଇଡ଼୍ରୋଟେଷ୍ଟୋଷ୍ଟେରୋନ ତିଆରି ହୋଇଥାଏ । ଏହି ହରମୋନର ପ୍ରଭାବ ‘ଟେଷ୍ଟୋଷ୍ଟେରୋନ’ ଠାରୁ ଅଧିକ ଥାଏ । ଯେଉଁ ପୁରୁଷଙ୍କ ପାଖରେ ଏହି ହରମୋନ ଅଧିକ ମାତ୍ରରେ ଦେଖାଯାଏ ତାଙ୍କର ଠିକ୍ ଭାବରେ ନିଷ ଏବଂ ଦାଢ଼ି ଆସିଥାଏ । ଏହା ସହିତ ଜୀନ୍ର ପ୍ରଭାବ ମଧ୍ୟ ରହିଥାଏ । ଯଦି ଜଣଙ୍କର ପୂର୍ବ ପୁରୁଷ ମାନଙ୍କର ଭଲ ନିଷ ଏବଂ ଦାଢ଼ି ଥାଏ ତେବେ ତାଙ୍କ ପର ପିଢ଼ି ମାନଙ୍କର ମଧ୍ୟ ଭଲ ନିଷ ଏବଂ ଦାଢ଼ି ଆସିଥାଏ ।
